२०७७, २३ फाल्गुन आईतवार
Nepal 1:37:26 pm
Trending
अखिल नेपाल फुटबल संघ (एन्फा) आगलागी ईलाका प्रहरी कार्यालय दुहबी ऋषिराम कट्टेल केपी शर्मा ओली कोरोना खोप कोरोनाविरुद्धको खोप गोकुलेश्वर–रिठाचौपाता सडकखण्ड ज्योति लाइफ इन्स्योरेन्स डा बाबुराम भट्टराई डा शशांक कोइराला तिलोत्तमा नगर समिति त्रिभुवन अन्तर्राष्ट्रिय विमानस्थल धर्मेन्द्र बास्तोला नर्भिक अस्पताल नविन्द्रराज जोशी नारायणगढ-मुग्लिन सडक निर्वाचन आयोग नेकपा नामको आधिकारीता नेत्रविक्रम चन्द विप्लव नेपाली कांग्रेस पुष्पकमल दाहाल ‘प्रचण्ड’ पूर्वाञ्चल क्यान्सर अस्पताल प्रचण्ड-नेपाल प्रचण्ड-नेपाल समूह प्रचण्ड-माधव समूह प्रतिनिधिसभा अधिवेशन प्रतिनिधिसभा विघटन मेलम्ची मेलम्ची खानेपानी आयोजना मौसम पूर्वानुमान महाशाखा राजीनामा वार्ता टोली शंकर पोखरल शेरबहादुर देउवा संसद पुनर्स्थापना संसद विघटन संसद् पुनःस्थापना सत्ता समिकरण सर्वाेच्च अदालत सर्वोच्च अदालत सुनको मूल्य सुरक्षा परिषद् स्थायी कमिटी बैठक स्पार्क हेल्थ होम
विद्यालयलाई १० रोपनी जग्गा दान
नेपालमञ्च संवाददाता
२०७७ पुष १८ शनिबार
  •  
  •  
  •  
  •  

465

म्याग्दी : पहिरोले क्षतिग्रस्त भएपछि चौरमा विद्यार्थी पढाइरहेको धौलागिरि गाउँपालिका–७ धारापानीको किसानी माविले भवनसहित खेल मैदान पनि बनाउन जग्गा पाएको छ ।

धारापानी पुर्ख्यौली घर भई अन्यत्र पुगेको एक परिवारले ६ र अन्य गाउँलेले ४ रोपनी जग्गा दान गरेपछि विद्यालयले भवन बनाउने ठाउँ टुंगो भएको हो । हाल रूपन्देहीको मायादेवी–६ बस्दै आएका चक्रबहादुर थापा, पूर्णबहादुर र बहिनीहरू सुवा र मना खत्रीले आमाबाबु कुन्ता र चन्द्रबहादुरको सम्झनामा ४० लाख मूल्य बराबरको जग्गा दान गरेका हुन् ।

यस्तै गाउँलेहरू चन्द्रप्रकाश थापा, लालबहादुर थापा र तुलबहादुर थापाले २ रोपनी दिएका छन् । सडकदेखि विद्यालयसम्म पुग्न स्थानीय वेदप्रसाद, सूर्य, केशर, खिमदल, मनबहादुर, चन्दु, महादेव थापा र तेजप्रकाश पुर्जाले २ रोपनी जग्गा दिएका छन् ।

गत असार २६ को भीषण बाढीपहिरोले विद्यालय भवन भत्किएको थियो । पुनर्निर्माण गर्ने भनिए पनि जग्गा अभावले काम अघि बढ्न पाएको थिएन । दानमा पाएको जग्गा विद्यालयको नाममा ल्याउन कागजी प्रक्रिया थालिएको किसानी मावि व्यवस्थापन समितिका अध्यक्ष किरण थापाले बताए ।

‘केही सँधियारले विद्यालयलाई जग्गा दिनुभएको छ,’ उनले भने, ‘अब भवनलगायत पूर्वाधार निर्माण गर्न स्रोत खोज्न सजिलो भएको छ ।’

चौरमा विद्यार्थी राखेर पढाइरहेको विद्यालयका लागि अब भवन बनाउन बजेट माग्न पनि सजिलो भएको प्रधानाध्यापक ध्रुवबहादुर भण्डारीले बताए ।

तत्काल खेलमैदानमा जस्तापाताको छाप्रो बनाई पढाउने र दुई वर्षभित्र नयाँ भवन निर्माण गर्ने लक्ष्य राखेको उनले सुनाए । १० कक्षासम्म पढाइ हुने विद्यालयमा २ सय ८० विद्यार्थी छन् ।

भर्खरै