Online Nepal
  • आइतबार, ९ असोज २०७९
  • सभामुख सापकोटाले हेरे ‘ऐना झ्यालको पुतली’, भन्छन् – सकिएको पत्तै भएन

    सभामुख सापकोटाले हेरे ‘ऐना झ्यालको पुतली’, भन्छन् – सकिएको पत्तै भएन

    नेपालमञ्च संवाददाता
    असोज २ २०७९, आइतबार
    60
    SHARES

    काठमाडौं : सभामुख अग्नि सापकोटाले गत शुक्रबार फिल्म ‘ऐना झ्यालको पुतली’ हेरेका छन् ।

    फिल्म हेरिसकेपछि उनले फिल्म राम्रो बनेको र यो फिल्म गाउँ सहर, शिक्षक अभिभावक सबैले हेर्नुपर्ने बताए

    ‘फिल्म सकिएको पत्तै भएन । म १५ वर्ष पढाएको शिक्षक हुँ । गाउँको मान्छे पनि हुँ । योसँगै फिल्मले समाजको चित्रण पनि दुरुस्त गरेको रहेछ । यो फिल्म मौलिक पनि छ र सन्देश पनि बहुआयामिक रहेछ,’ उनले भने ।

    सापकोटाले पाँच वर्षअघि फिल्म ‘कान्छी’ हेरेको स्मरण गरे । उनले फिल्म ‘ऐना झ्यालको पुतली’ आफ्नो जीवनसँग मेल नखाए पनि गाउँका धेरै कुराहरू मिल्दोजुल्दो भएकोले आफैंले भोगेजस्तो अनुभव भएको बताए ।

    ‘मेरो घरमा बहिनी थिएनन् । दिदी थिए तर उनीहरूले पढ्न पाउँदैनथे । हामीले मात्र पढ्न पायौं, त्यसैले ठ्याक्कै मेरै जीवनसँग त मेल खाएन, तर यो हामीले गाउँमा जताततै देखेको दुनियाँ हो । खासगरी मलाई दिदीभाइको प्रेम र संघर्षको कुरा असाध्यै राम्रो लाग्यो,’ उनले भने ।

    २४ भदौमा रिलिज भएको सुजित बिडारी निर्देशित फिल्मले दर्शक तथा समीक्षकबाट उत्कृष्ट प्रतिक्रिया पाइरहेको छ । शुक्रबारबाट दोस्रो हप्तामा प्रवेश गरेको फिल्मले पहिलो हप्ताभन्दा दोस्रो हप्तामा सो र दर्शक दुवै बढी पाइरहेको छ ।


    फेसबुक प्रतिक्रिया
    सम्बन्धित समाचार

    Copyright © All right reserved to Nepalmanch.com Site By: SobizTrend