Online Nepal
  • शनिबार, ११ असार २०७९
  • पुरानालाई बिदा गर्नुपर्ने स्थिति आयो, केही घण्टामा मन्त्री हेरफेर हुन्छ : एकीकृत समाजवादी

    पुरानालाई बिदा गर्नुपर्ने स्थिति आयो, केही घण्टामा मन्त्री हेरफेर हुन्छ : एकीकृत समाजवादी

    नेपालमञ्च संवाददाता
    असार ९ २०७९, बिहिबार
    222
    SHARES

    काठमाडौँ – नेकपा (एकीकृत समाजवादी)ले तत्काल मन्त्रिमण्डल विस्तार हुने बताएको छ । पार्टी कार्यालय आलोकनगरमा बसेको सचिवालयको बैठकपछि पत्रकारहरूसँग कुराकानी गर्दै प्रवक्ता जगन्नाथ खतिवडाले मन्त्री फेर्ने निर्णय केही घण्टामै लागू हुने दाबी गरेका हुन् ।

    उनले भने, ‘एकदमै चाडै, केही दिनहरु होइन केही घण्टाहरुको अन्तरमा मन्त्री हेरफेरमा लागेका छौँ ।’

    उनले पार्टीका नेताहरूलाई छ महिनाका लागि मन्त्री पदमा पठाइएको र अहिले आठ/नौ महिना भइसकेको उनले बताए ।

    ‘मन्त्री भन्ने चिज चीरस्थायी होइन । स्थायी सरकार भए पाँच वर्ष हो,’ उनले भने, ‘आठ/नौ महिना भयो उहाँहरू मन्त्री भएको । बिदा गर्नुपर्ने स्थिति आयो । कसैले विद्रोह गर्छु भनेको छैन् ।’

    पार्टी निर्णय नै अन्तिम निर्णय हुने भएकाले एकीकृत समाजवादीमा मन्त्री हेरफेर हुन लागेको उनको भनाइ छ । अध्यक्षसँग मन्त्रीले भेट्दैमा निर्णय कार्यान्वयनबाट पार्टी पछि नहट्ने खतिवडाको भनाइ छ ।

    ‘को व्यक्तिले कहाँ कससँग भेट्यो भन्नेले अर्थ राख्दैन,’ उनले भने ।

    जेठ २२ गते एकीकृत समाजवादीका मन्त्रीहरूलाई फिर्ता बोलाउने उक्त पार्टीले निर्णय गरेको थियो । तर, दुई हप्ता भन्दा बढी समयसम्म पनि उक्त निर्णय कार्यान्वयन भएको छैन् ।


    फेसबुक प्रतिक्रिया
    सम्बन्धित समाचार
    नयाँ अपडेट

    Copyright © All right reserved to Nepalmanch.com Site By: SobizTrend