Online Nepal
  • शनिबार, ११ असार २०७९
  • उखान टुक्का सुन्न कुनै पार्टीको कार्यकर्ता बन्नुपर्दैन, कमेडी च्याम्पियन हेरे हुन्छ : आरजू देउवा

    उखान टुक्का सुन्न कुनै पार्टीको कार्यकर्ता बन्नुपर्दैन, कमेडी च्याम्पियन हेरे हुन्छ : आरजू देउवा

    नेपालमञ्च संवाददाता
    असार ९ २०७९, बिहिबार
    168
    SHARES

    काठमाडौं : नेपाली कांग्रेस केन्द्रीय सदस्य डा. आरजू राणा देउवाले कांग्रेस देशको समृद्धिका लागि जिम्मेवार पार्टी भएको बताएकी छन् । उनले हरेक अफ्ठ्यारो परिस्थितिमा कांग्रेसले नै देशलाई सहि दिशामा ल्याएको उल्लेख गरिन् ।

    ‘देशको यथार्थ वस्तुस्थिति र विकासको योजना जनतालाई सुनाउने, सुझाव लिने र सोही अनुसार विकास निर्माणको कार्ययोजना बनाउने पार्टी हो कांग्रेस,’ बुधबार कांग्रेस म्याग्दी जिल्ला कार्यसमितिले आयोजना गरेको कार्यक्रममा उनले भनिन्, ‘उखान टुक्का सुनाएर जनतालाई अलमल्याउन कांग्रेसलाई आउँदैन ।’

    प्रमुख प्रतिपक्षी नेकपा एमालेका अध्यक्ष केपी शर्मा ओलीप्रति लक्षित गर्दै कांग्रेस प्रभावशाली नेतृ देउवाले उखान टुक्का सुन्न कुनै पार्टीको कार्यकर्ता बन्न जरुरी रहेको टिप्पणी गरिन् । उनले रमाइलोका लागि टेलिभिजनमा हाँस्यव्यंग कार्यक्रम हेर्न सुझाइन् ।

    ‘हाँस्नकै लागि त टेलिभिजनमा कमेडी च्याम्पियन हेरे हुन्छ, कुनै पार्टीको कार्यकर्ता हुन आवश्यक छैन,’ उनले भनिन् ‘उखान टुक्का सुनाउँदै हिंड्ने कांग्रेस होईन, कांग्रेस हरेक अफ्ठ्यारो परिस्थितिमा देशलाई बचाउने पार्टी हो।’

    उनले बजेट कार्यान्वयन नहुनु नेपालको समस्या भएको बताइन् । बजेट विनियोजन हुन्छ तर कार्यान्वयन नभएको अवस्था छ । जसले गर्दा योजनाहरु अलपत्र परेका छन् । यस्ता विषयमा फलोअप गर्दै अगाडि बढ्न सकेको खण्डमा विकासले गति लिन्छ,’ देउवाले भनिन् ।


    फेसबुक प्रतिक्रिया
    सम्बन्धित समाचार
    नयाँ अपडेट

    Copyright © All right reserved to Nepalmanch.com Site By: SobizTrend