Online Nepal
  • शनिबार, ११ असार २०७९
  • बलात्कार मुद्दामा हदम्‍याद हटाउन महिला सांसदहरुको माग

    बलात्कार मुद्दामा हदम्‍याद हटाउन महिला सांसदहरुको माग

    नेपालमञ्च संवाददाता
    जेष्ठ ८ २०७९, आइतबार
    300
    SHARES

    काठमाडौं :  महिला सांसदहरूले बलात्कारलगायतका जघन्य अपराधका घटनामा हदम्याद हटाउन सरकारसँग माग गरेका छन् ।

    सौन्दर्य प्रतियोगिताका आयोजकले आठ वर्ष अघि बलात्कार गरेको घटना सामाजिक सञ्जालमार्फत् सार्वजनिक गरेकी एक युवतीको विषयलाई लिएर प्रतिनिधिसभा अन्तर्गतको महिला तथा सामाजिक समितिले आइतबार सिंहदरबारमा आयोजना गरेको अनौपचारिक छलफलमा सांसदहरुले सरकारले हदम्याद हटाउने गरी तत्काल कानुन संशोधन नगरे आफूहरुले संसदमा संकल्प प्रस्ताव ल्याउने चेतावनी दिएका हुन् ।

    नेकपा एमालेकी सांसद विन्दा पाण्डेले सांसद पाण्डेले भनिन्, ‘कम्तीमा पनि बालिकाहरूमाथि हुने यस्ता घटनामा जुन दिन मुख खोल्ने अवस्था हुन्छ, त्यही दिनबाट मात्रै हदम्याद लगाउने व्यवस्था गर्न उपयुक्त हुन्छ । अहिले तत्काल विधेयक ल्याएर हदम्याद हटाउनुपर्ने हुन्छ ।’

    नेपाली कांग्रेसकी सांसद पुष्पा भुसालले सौन्दर्य प्रतियोगिताका आयोजकले अपराध गरेको भन्ने कुरा स्वतः सिद्ध भएकाले घटनाका पीडित (ती युवती) लाई तत्काल न्याय दिन सरकारसँग माग गरेकी छन् । उनले घटनाको अनुसन्धान गरेर अपराधीलाई कारबाही गर्न पनि ढिलाइ गर्न नहुने बताइन ।

    नेकपा (माओवादी केन्द्र) की सांसद अमृता थापामगरले यौन हिंसामा परेकाहरूलाई तत्काल राहत दिने व्यवस्था पनि कानुनमै उल्लेख गर्न सरकारलाई दबाब दिइन । उनले मनोरञ्जन र अनौपचारिक क्षेत्रका महिलाहरू यौन हिंसाका कारण प्रताडित हुनुपरेको उल्लेख गर्दै त्यसको अन्त्यका लागि राजनीतिक पार्टी र त्यसका भातृ सङ्गठनहरूले पनि पहल गर्नुपर्नेमा जोड दिइन् ।


    फेसबुक प्रतिक्रिया
    सम्बन्धित समाचार
    नयाँ अपडेट

    Copyright © All right reserved to Nepalmanch.com Site By: SobizTrend