Online Nepal
  • शनिबार, ११ असार २०७९
  • नेपालले दियो युगान्डालाई सय रनको लक्ष्य

    नेपालले दियो युगान्डालाई सय रनको लक्ष्य

    नेपालमञ्च संवाददाता
    जेष्ठ ५ २०७९, बिहिबार
    336
    SHARES

    काठमाडौँ – तेस्रो टी–२० शृंखलामा घरेलु टोली नेपालले युगान्डालाई जितका लागि एक सय रनको लक्ष्य प्रस्तुत गरेको छ । कीर्तिपुरस्थित टियु क्रिकेट मैदानमा टस जितेर ब्याटिङ गरेको नेपालले निर्धातिर २० ओभरमा ८ विकेट गुमाउँदै ९९ रन बनाएको हो ।

    नेपालका लागि ओपनर ज्योति पाण्डेले सर्वाधिक ४७ रन बनाइन् । ५४ बलको सामना गरेकी ज्योतिले ५ चौका प्रहार गरेकी थिइन् । यस्तै, कप्तान रुविना क्षेत्रीले १८ रन बनाउँदा सीता राना मगरले १२ रन बनाइन् । सरिता मगर र कविता कुवँर शून्यमा आउट भए ।

    बिन्दु रावल, इन्दु बर्मा, रोमा थापा र डल्ली भट्टले भने दोहोरो अंक जोड्न सकेनन् । युगान्डाको लागि फिओना कुलुमे, साराह एकिटेङ र कोन्सी अवेकोले समान दुई विकेट लिए । यस्तै, जनित एमबाबाजी र रिता मुसामालीले एक विकेट लिए ।

    नेपाल आज पहिलो जित निकाल्दै शृंखलामा पुनरागमन गर्न चाहन्छ । यता, युगान्डा भने लगातार तीन खेल जिँत्दै शृंखला आफ्नो पक्षमा पार्न चाहन्छ ।


    फेसबुक प्रतिक्रिया
    सम्बन्धित समाचार
    नयाँ अपडेट

    Copyright © All right reserved to Nepalmanch.com Site By: SobizTrend