आइतबार, माघ ९ २०७८

नेकपाभित्रको विवाद चर्किदै, प्रचण्ड भेट्न प्रधानमन्त्री ओली खुमलटारमा

नेकपाभित्रको विवाद चर्किदै, प्रचण्ड भेट्न प्रधानमन्त्री ओली खुमलटारमा


Nepal Manch
पौस ४ २०७७, शनिबार

काठमाडौं । पार्टीभित्र सङ्कट गहिरिँदै गएपछि प्रधानमन्त्री केपी शर्मा ओली आफैं पार्टीका कार्यकारी अध्यक्ष पुष्पकमल दाहाल प्रचण्ड भेट्न उनकै निवास खुमलटार पुगेका छन् । प्रधानमन्त्री ओली शनिबार बिहान १० बजे खुमलटार आइपुग्नेगरी खबर पठाएको प्रचण्डनिकट स्रोतले जानकारी दियो ।

“प्रधानमन्त्री आउँदै हुनुहुन्छ भनेर खबर आएको थियो । सुरक्षालाई पनि जानकारी गराइएको रहेछ,” प्रचण्ड स्रोतले भन्यो । संसदीय दलका उपनेता सुवास नेम्वाङले बालुवाटार बसेर भेटघाट र संवादको तारतम्य मिलाएको बालुवाटार स्रोत बताउँछ ।

प्रधानमन्त्री ओली खुमलटार जानेभएपछि नेकपाभित्र तरङ्ग उत्पन्न भएको छ । पार्टी विभाजनको बलियो आधार तयार पार्न समानान्तर भेला, बैठक, छलफल गर्दै आएका नेकपाका नेताहरू चकित परेका छन् ।


फेसबुक प्रतिक्रिया
सम्बन्धित समाचार
ताजा अपडेट