Online Nepal
  • आइतबार, ९ असोज २०७९
  • मेयरको टिकट नपाएपछि डिल्लीराम घिमिरेले रुँदै छोडे एमाले

    मेयरको टिकट नपाएपछि डिल्लीराम घिमिरेले रुँदै छोडे एमाले

    नेपालमञ्च संवाददाता
    चैत्र २९ २०७८, मंगलबार
    7.3K
    SHARES

    काठमाडौं – मेयरको टिकट नपाएपछि डिल्लीराम घिमिरेले नेकपा एमाले परित्याग गरेका छन् ।

    झापाको मेची नगर नगरपालिकाको मेयरको उम्मेद्‍वार सिफारिस नभएपछि एमाले जिल्ला कमिटि सदस्य डिल्लीराम घिमिरेले पार्टी छाडेका हुन् ।

    मेची नगरमा पत्रकार सम्मेलन गरेर घिमिरेले सहकर्मीहरुले पटक पटक आफूमाथि अन्याय गरेको भन्दै अन्याय सहनु भन्दा स्वतन्त्र जीवन जिउनु ठीक ठानेर एमाले छाडेको बताएका छन् । उनी पत्रकार सम्मेलनमा डाको छोडेर रोएका थिए ।

    ‘३१ वर्षअघि पार्टी सदस्य प्राप्त गरें, निरन्तर रुपमा एमालेको इमान्दार कार्यकर्ताको रुपमा काम गरें, तर पार्टीका केही नेताले मेरो अवमुल्यन गरेर अवसरबाट वञ्चित गर्ने र घेराबन्दीमा पार्ने काम गरें,’ उनले भने, ‘मलाई पार्टीका नेताहरुले रुहाउँदै रुहाउँदै निष्काशन गरे, म आफैं निस्किएको हैन, मलाई निकालेका हुन्, निस्किन बाध्य पारेका हुन् ।’

    पत्रकार सम्मेलनमा भावुक भएका घिमिरेले आफ्ना आँसुले अन्याय गर्नेहरुलाई पिरोल्ने बताए । उनले भने ‘मेरो आँसुले मलाई अन्याय गर्नेहरुलाई पिरोल्ने छ, जसले मलाई यो पार्टीबाट रुँदै रुँदै बाहिरिने अवस्था सिर्जना गरे ।’


    फेसबुक प्रतिक्रिया
    सम्बन्धित समाचार
    नयाँ अपडेट

    Copyright © All right reserved to Nepalmanch.com Site By: SobizTrend