काठमाडौँ – मानव अधिकार तथा शान्ति समाजले भौतिक पूर्वधार तथा यातायातमन्त्री रेणु यादवलाई बर्खास्त गर्न माग गरेको छ ।

आइतबार एक विज्ञप्ति जारी गर्दै समाजले जनमत पार्टीका अध्यक्ष सिके राउत र किसानहरुको हत्या गर्ने अभिव्यक्ति दिने मन्त्रीलाई तत्काल पदबाट बर्खास्त गर्न माग गरेको हो ।

यादवले हालै रौतहटको गौरमा दिएको अभिव्यक्ति मन्त्री पदको गरिमा र लोकतान्त्रिक मर्यादाविपरीत भएको भन्दै बर्खास्त गर्न समाजले माग गरेको छ ।

मन्त्री यादवको अभिव्यक्तिले अपराधलाई बढावा दिने भन्दै समाजले मन्त्री पदबाट बर्खास्त गर्न प्रधानमन्त्री शेरबहादुर देउवालाई आग्रह गरेको हो ।

साथै सीके राउत नेतृत्वको जनमत पार्टीका अराजक र उच्छृंखल गतिविधिको समेत समाजले निन्दा गरेको छ ।