Online Nepal
  • आइतबार, ८ जेष्ठ २०७९
  • एभरेष्ट बैंकको खुद नाफा १२ दशमलव ७९ प्रतिशतले घट्यो, अन्य सूचक कस्तो ?

    एभरेष्ट बैंकको खुद नाफा १२ दशमलव ७९ प्रतिशतले घट्यो, अन्य सूचक कस्तो ?

    नेपालमञ्च संवाददाता
    माघ ७ २०७८, शुक्रबार

    काठमाडौँ । एभरेष्ट बैंकले चालु आर्थिक वर्षको दोस्रो त्रैमाससम्मको वित्तीय विवरण सार्वजनिक गरेको छ । बैंकले सार्वजनिक गरेको वित्तीय विवरण अनुसार बैंकले यस अवधिसम्मा ८३ करोड ८९ लाख रुपैयाँ नाफा कमाएको छ । गत आर्थिक वर्षको सोहि अवधिको तुलनामा १२ दशमलव ७९ प्रतिशतले कम हो । गत वर्ष बैंकले ९६ करोड १९ लाख रुपैयाँ नाफा कमाएको थियो ।

    यसको खुद ब्याज आम्दानी भने १२ दशमलव ५० प्रतिशतले बढ्दा सञ्चालन नाफा भने १२ दशमलव ७४ प्रतिशतले घटेको छ । पुस मसान्तसम्म आइपुग्दा यसको वितरणयोग्य नाफा दुई अर्ब ४६ करोड रुपैयाँ छ ।

    समिक्षा अवधिमा बैंकको नौ अर्ब ४६ करोड रुपैयाँ चुक्ता पूँजी रहेको बैंकको जगेडा कोषमा आठ अर्ब ३० करोड रुपैयाँ छ । यस अवधिमा बैंकको निक्षेप संकलन मा तीन दशमलव १२ प्रतिशतले वृद्धि भएको छ भने कर्जा लगानी ११ दशमलव ७२ प्रतिशतले बढेको छ ।

    यस अवधिमा बैंकको प्रतिसेयर आम्दानीमा पनि गिरावट आएको छ । बैंकको प्रतिसेयर आम्दानी तीन रुपैयाँ ८३ पैसाले घटेर १७ रुपैयाँ आठ पैसा कायम भएको छ भने प्रतिसेयर नेटवर्थ भने २२१ रुपैयाँ ११ पैसा छ ।


    फेसबुक प्रतिक्रिया
    सम्बन्धित समाचार

    Copyright © All right reserved to Nepalmanch.com Site By: SobizTrend