वामदेवको परीक्षामा प्रचण्डले पाए १० नम्बर, ओलीले शून्य

काठमाडौँ । नेकपा एमालेका उपाध्यक्ष वामदेव गौतमले केपी शर्मा ओली र पुष्पकमल दाहाल (प्रचण्ड) को नेतृत्व क्षमतामाथि प्रश्न उठाएका छन् ।

उनले तीन वर्षको अवधिमा दुवै नेताको नेतृत्व क्षमता जाँच्ने अबसर पाइएकोसमेत बताए ।

उनले प्रचण्डलाई १० नम्बर र ओलीलाई शून्य अंक दिन सकिने टिप्पणी पनि गरे ।

गौतमले ओली-प्रचण्ड फरक–फरक पृष्ठभूमिबाट आएपनि नेतृत्व क्षमता राम्रो देखाउन नसकेको टिप्पणी गरेका हुन्।

दुवै नेतामा जालझेल र तिकडम देखिए पनि ओलीमा जति अरु कुनै नेतामा नदेखिएको समेत गौतमले आरोप लगाए।

एकताको एक वर्षसम्म पार्टी राम्रैसँग चलेपनि २ वर्षमा पार्टी कमिटी लथालिङ र अराजकतामा भएको उनले बताए।