मध्यरातमा ग्लोबल बैंकको एटीएम फुटाउँदै गरेको अवस्थामा एक जना पक्राउ

काठमाडौं : नेपाल प्रहरीले ग्लोबल आईएमई बैंकको कान्तिपथको एटीएम फुटाउँदै गरेको अवस्थामा एक भारतीय नागरिकलाई पक्राउ गरेको छ ।

काठमाडौं महानगरपालिका-२६ कान्तिपथस्थित ग्लोबल आइएमई बैंकको एटिएम मेसिन फुटाएको अभियोगमा काठमाडौं ठमेल बस्ने भारत गोरखपुर घर भएका २२ वर्षीय दिलसाद आलमलाई प्रहरीले पक्राउ गरेको छ ।

उनले मध्यराति साढे २ बजेको समयमा उक्त मेसिन फुटाउँदै गरेको अवस्थामा महानगरीय प्रहरी वृत्त दरबारमार्गबाट खटिएको प्रहरीले फेला पारी उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।