मूलपानीमा ट्रकको ठक्करबाट गम्भीर घाइते कुईंकेलको अस्पतालमा मृत्यु

काठमाडौं : काठमाडौंको मूलपानीमा ट्रकको ठक्करबाट मोटरसाइकल चालकको मृत्यु भएको छ।

कागेश्वरी मनहरा नगरपालिका-६ मुलपानीमा मिनी ट्रकले ठक्कर दिँदा काठमाडौं महानगरपालिका ६ घर भई चाँगुनारायण बस्ने २७ वर्षीय सुरज कुईंकेलको मृत्यु भएको हो ।

दुर्घटनामा गम्भीर घाइते कुईँकेलको नेपाल मेडिकल कलेज अत्तरखेल जोरपाटीमा उपचारको क्रममा मंगलबार साँझ नै मृत्यु भएको प्रहरीले जनाएको छ ।

मूलपानी भक्तपुर सडकखण्डमा बा५ख १८२ नम्बरको मिनी ट्रकले प्रदेश ३-०२-०१२ प ५८४२ नम्बरको मोटरसाइकललाई मंगलबार साँझ ठक्कर दिएको थियो ।

ठक्कर दिने ट्रकसहित चालकलाई महानगरीय प्रहरी वृत्त बौद्धले नियन्त्रणमा लिएको छ ।