प्रधानमन्त्री ओली धुम्बाराहीमा, माधव नेपालपक्षसँग वार्ता सुरु

काठमाडौं : नेकपा एमालेका अध्यक्ष केपी शर्मा ओली पार्टी कार्यालय धुम्बाराही पुगेका छन् ।

बरिष्ठ नेता माधवकुमार नेपाल पनि पार्टी कार्यालय पुगेका छन् ।

आज ओली र पार्टीका बरिष्ठ नेता माधवकुमार नेपाल पक्षबीच वार्ता हुँदैछ । अहिले बिहान ११ बजे पार्टी कार्यालय धुम्बाराहीमा भेटवार्ता हुँदैछ।

वार्ताका लागि दुबै पक्षका नेताहरु धुम्बाराही पुगेका छन् ।

वार्तामा अध्यक्ष ओलीसहित महासचिव ईश्वर पोखरेल,उपमहासचिव विष्णु पौडेल र सचिव प्रदिप ज्ञवाली सहभागी हुनेछन् ।

नेपालपक्षबाट बरिष्ठ नेता झलनाथ खनाल र माधव नेपाल र घनश्याम भुसालसहितका नेताहरु सहभागी भएका छन् ।

पार्टी कार्यालयमा ठूलो संख्यामा सुरक्षाकर्मी परिचालन गरिएको छ।

ओलीसँग वार्ता गर्नुअघि नेपालले आफूपक्षीय नेताहरुसँग छलफल गरेका छन् ।

सर्वाेच्च अदालतको फैसलापछि साविकै एमालेमा फर्किएका ओली र नेपालबीच पहिलो पटक भेटवार्ता भएको छ ।

एमालेभित्र विवाद बढेपछि दुबै पक्षका केही नेताहरूले प्रधानमन्त्री ओली र नेपालबीच संवाद गराउन प्रयत्न गरिरहेका थिए। त्यही प्रयत्नको फलस्वरूप आज उनीहरूबीच भेट हुने भएको हो।

नेता नेपालले बालुवाटारमा होइन पार्टी केन्द्रीय कार्यालयमा भेटौं भनेपछि भेट धुम्बाराहीमा हुन लागेको हो।