आजको मौसम : पहाडी क्षेत्रमा चट्याङ, हावाहुरीसहित वर्षाको सम्भावना

काठमाडौं : जल तथा मौसम विज्ञान विभाग, मौसम पूर्वानुमान महाशाखाले पश्चिम नेपालमा सामान्य बदली हुने जनाएको छ ।

सुदूरपश्चिम प्रदेश, कर्णाली, लुम्बिनी र गण्डकी प्रदेशमा आंशिक देखि सामान्य बदली रहने र बाँकी भूभागहरूमा मौसम सामान्यतया सफा रहने महाशाखाले जनाएको छ ।

हाल देशमा पश्चिमी वायुको प्रभाव रहेको छ।

महाशाखाका अनुसार देशको पहाडी भूभागका थोरै स्थानहरुमा मेघ गर्जन, चट्टयाङ सहित वर्षाको सम्भावना रहेको छ ।

आज राति देशभर आंशिक देखि सामान्य बदली रहने छ।

देशका पहाडी भूभागका थोरै स्थानहरुमा मेघ गर्जन चट्याङ, हावाहुरीसहित वर्षाको सम्भावना रहेकोले आवश्यक सतर्कता अपनाउन महाशाखाले आग्रह गरेको छ ।