कोरोना खोप लगाउँदै देउवाले भने: महामारी अन्त्य भइसकेको छैन, सतर्कता अपनाऔं

काठमाडौं : संसद बैठकलाई मध्यनजर गरेर प्रतिनिधि सभाका सांसदहरुले कोरोना भाइरसविरुद्धको खोप लगाएका छन् ।

फागुन २३ गते प्रतिनिधिसभा बैठक बस्दैछ ।

कोरोना संक्रममणलाई मध्यनजर गरेर संसद सचिवालयले सबै सांसद, संसद सचिवालयका कर्मचारी, स्वकीय सचिव र सुरक्षाकर्मीलाई कोरोना खोप लगाउने व्यवस्था गरेको हो ।

सभामुख, राष्ट्रिय सभा अध्यक्ष, उपाध्यक्ष, सांसद, संघीय संसदका कर्मचारी, मर्यादापालक र संसद भवन बानेश्वरमा कार्यरत कर्मचारीलाई कोरोना खोप लगाइएको छ ।

पूर्वप्रधानमन्त्री एवं नेपाली कांग्रेस सभापति शेरबहादुर देउवाले पनि बुधबार कोरोना खोप लगाएका छन् ।

निजामति अस्पताल मीनभवन पुगेर देउवाले कोरोना खोप लगाए ।

कोरोना खोप लगाउँदै सभापति देउवाले कोरोना महामारी अझै अन्त्य भइनसकेकाले आवश्यक सचेतना अपनाउन आग्रह गरेका छन् ।

उनले मास्क लगाउन, साबुन पानीले नियमित हात धुन र भौतिक दूरी कायम गर्न अपील गरेका हुन्।

साथै देउवाले आफ्नो पालो अनुसार कोरोनाविरुद्धको खोप लगाउन पनि सबैलाई सुझाव दिए ।

कांग्रेस सभापति देउवाले नेपालमा कोरोना संक्रमण सुरु हुनु अघि देखि नै आवश्यक सतर्कता अपनाउन सरकार र आमनागरिकलाई सुझाव दिँदै आएका छन् ।

https://twitter.com/DeubaSherbdr/status/1367094184461537280/photo/1