‘जोमसोमै बजारमा, बाह्र बजे हावा सरर…’ गीतका सर्जकको अमेरिकामा निधन

काठमाडौं : नेपाली लोक आधुनिक बजारमा चर्चित गीत हो, ‘जोमसोमै बजारमा, हावा सरर…’। अधिकांश नेपालीको मुखमा यो गीत झुण्डिएकै हुन्छ ।

त्यसमा पनि मुस्ताङ पुग्ने हरकोहीले पनि यो गीत गुनगुनाएकै हुन्छन् ।

तर यो गीतका सर्जक तथा संगीतकार विश्व थकालीको मृत्यु भएको छ ।

उनको अमेरिकामा हृदयघातबाट मृत्यु भएको हो ।

५२ वर्षको उमेरमा थकालीको निधन भएको हो। उनका धर्मपत्नी सहित २ छोरा छन्।

थकालीको पुर्ख्यौली घर मुस्ताङको घरपझोङ ४ जोमसोम हो।

जोमसोममा मध्यान्ह निकै बेगको हावा चल्ने गरेकाले उनले त्यसैलाई गीतमा उतारेका हुन् ।

जोमसोमै बजारको गीतमार्फत जोमसोमलाई मात्र नभएर मुस्ताङलाई नै चिनाउन सर्जक थकालीको ठूलो योगदान थियो।

उनले केही समय नेपथ्य ब्याण्डमा आवद्ध भएर पनि काम गरेका थिए ।