पूर्वप्रधानमन्त्री बाबुरामको सुझाव : सबैले आत्मसमिक्षा गर्ने कि !

काठमाडौं : पूर्व प्रधानमन्त्री डा. बाबुराम भट्टराईले सबै दलहरुलाई आत्मसमिक्षा गरेर अगाडि बढ्न सुझाव दिएका छन् । उनले नेकपाका दुबै पक्षलाई जिम्मेवार बन्न पनि आग्रह गरे ।

संसद पुन स्थापनापछि पनि नेकपाको एउटा समूह फेरी विघटनतिर र अर्काे समूह सांसदको टाउको गन्ने खेलतिर लाग्नु विडम्बना भएको उनको भनाई छ ।

‘आइन्सटाइन भन्थे – पुरानै कुरा दोहोर्याउनु अनि नयॉ परिणाम खोज्नु पागलपन हो ! संसद पुनर्स्थापनापछि देशमा एक पक्ष अनेक बहाना गरेर संसद विघटनतिर लान खोज्नु र अर्को पक्ष विगतको कुनै समीक्षा नगरी सांसदको टाउको गन्ने र सरकार बनाउने खेलतिर लाग्नु विडम्बनापूर्ण छ,’ उनले शनिबार राति ट्वीटरमा लेखेका छन्, ‘सबैले आत्मसमीक्षा गर्ने कि !’

आइन्सटाइन भन्थे-पुरानै कुरा दोहोर्याउनु अनि नयाॅ परिणाम खोज्नु पागलपन हो!संसद पुनर्स्थापनापछि देशमा एक पक्ष अनेक बहाना गरेर संसद विघटनतिर लान खोज्नु र अर्को पक्ष विगतको कुनै समीक्षा नगरी सांसदको टाउको गन्ने र सरकार बनाउने खेलतिर लाग्नु विडम्बनापूर्ण छ! सबैले आत्मसमीक्षा गर्ने कि?

— Baburam Bhattarai (@brb1954) February 27, 2021