सोमबार, मंसिर २० २०७८

कोभिडबाट रसियामा एकै दिन एक हजारको मृत्यु, ५० प्रतिशतले लगाएनन् खोप

कोभिडबाट रसियामा एकै दिन एक हजारको मृत्यु, ५० प्रतिशतले लगाएनन् खोप


Nepal Manch
असोज ३१ २०७८, आइतबार

एजेन्सी : रसियामा कोभिडबाट एकै दिन एक हजार जनाको मृत्यु भएको छ । कोभिड महामारी फैलिएपछि रसियामा पहिलो पटक संक्रमणबाट यति ठूलो संख्यामा मानिसहरुको मृत्यु भएको हो । पछिल्लो एक सातादेखि कोभिडबाट मृत्यु हुनेको संख्या निरन्तर बढिरहेको छ । खोप लगाउन अटेरी गर्दा संक्रमणबाट मृत्यु हुनेको संख्या पनि बढेको रसियाली प्रशासन क्रेमलिनले जनाएको छ ।

बढ्दो अविश्वासका कारण अहिलेसम्म एक तिहाई रसियालीले मात्र खोप लगाएका छन् । कोभिडबाट रसियामा अहिलेसम्म २ लाख २२ हजारको मृत्यु भइसकेको छ । शनिबार मात्र ३३ हजार संक्रमित थपिएका थिए ।

अर्थतन्त्र चलायमान हुन दिनुपर्ने भन्दै सरकारले लकडाउन भन्दा पनि खोपमा जोड दिएको छ । संक्रमण बढ्दै गइरहेको अवस्थामा सर्वसाधरणलाई खोपबारे जोड दिनुपर्ने धारणा यसै साता सरकारका प्रवत्ता दिमित्री पेस्कोभले व्यक्त गरेका थिए । ‘खोप नलगाउनु वास्तवमै गैरजिम्मेवारी कार्य हो । किनकी कोभिडका कारण दिनहँु सयौं मानिसको मृत्यु भएको छ, ’ उनले भने ।

स्वास्थ्य प्रणालीमा कुनै समस्या नरहेको र यसले संक्रमणका जतिसुकै बिरामी धान्ने सरकारको भनाई छ । तर, स्वास्थ्य मन्त्री मिखेल मुरास्कोले कोभिडको त्रासका कारण उपचार छोडेर घरमै बसेका चिकित्सकलाई खोप लगाएर काममा फर्किन आग्रह गरेका छन् ।

रसियाा अझै पनि साढे सात लाख संक्रीय संक्रमित छन् । महामारी फैलिएपछि ८० लाख जना संक्रमित भइसकेका छन् । तर, कूल जनसंख्याको एक तिहाईले मात्र खोप लगाएका छन् । अझै पनि रसियाको ठूलो जनसंख्या खोप लगाउन अनिच्छुक देखिन्छ । हालै गरिएको एक सर्वेक्षणमा ५० प्रतिशत रसियाली खोपप्रति विश्वास गर्दैनन् । रसियाले आविश्कार गरेको कोभिड खोप स्पुतनिक ५ लाई तीन ओटा देशले अनुमोदन गरिसकेका छन् ।


फेसबुक प्रतिक्रिया
सम्बन्धित समाचार
ताजा अपडेट