कांग्रेस नेता जोशीको स्वास्थ्य अवस्था गम्भीर, भेन्टिलेटरमा राखेर उपचार हुँदै

काठमाडौं : मस्तिष्कघात भएर नर्भिक अस्पतालमा उपचाररत नेपाली कांग्रेसका नेता नविन्द्र राज जोशीको स्वास्थ्य अवस्था गम्भीर रहेको अस्पतालले जनाएको छ ।

नेता जोशीलाई आइसियूको भेन्टिलेटरमा राखेर उपचार भइरहेको छ । अस्पताल स्रोतका अनुसार जोशीको स्वास्थ्य अवस्था गम्भीर छ ।

उनको मस्तिष्कको अति संवेदनशील भागमा रगत जमेको उपचारमा संलग्न चिकित्सकले जनाएका छन् ।

अतिसंवेदनशील भागमा रगत जमेकाले त्यसलाई पूर्ण रुपमा निकाल्न नसकिने चिकित्सकको भनाई छ ।

चिकित्सकका अनुसार तत्काल मस्तिष्कमा पर्ने चाप घटाउन सानो शल्यक्रिया गर्ने तयारी भइरहेको छ ।

बिहीबार राति अकस्मात् शरीरको देब्रेपट्टि समस्या भएपछि उनलाई वीर अस्पताल लगिएको थियो ।

त्यहाँ उपचार हुन नसकेपछि शुक्रबार बिहान नर्भिक अस्पताल लगिएको छ ।