२०७७, २२ फाल्गुन शनिबार
Nepal 1:37:26 pm
Trending
अखिल नेपाल फुटबल संघ (एन्फा) ईलाका प्रहरी कार्यालय दुहबी ऋषिराम कट्टेल कोरोना खोप कोरोना बिमा जनसम्पर्क समिति ज्योति लाइफ इन्स्योरेन्स डा. रवीन्द्र पाण्डे डा बाबुराम भट्टराई डा शशांक कोइराला त्रिभुवन अन्तर्राष्ट्रिय विमानस्थल नर्भिक अस्पताल नविन्द्रराज जोशी निर्वाचन आयोग नेत्रविक्रम चन्द विप्लव नेपाली कांग्रेस नेप्से पूर्वाञ्चल क्यान्सर अस्पताल प्रचण्ड प्रचण्ड-नेपाल प्रचण्ड-नेपाल समूह प्रचण्ड-माधव समूह प्रतिनिधिसभा विघटन प्रदेश सभा प्रधानमन्त्री मेलम्ची मेलम्ची खानेपानी आयोजना मौसम मौसम पूर्वानुमान महाशाखा राजीनामा वार्ता टोली विवेकशील साझा शेरबहादुर देउवा संसद पुनर्स्थापना संसद विघटन संसद् पुनःस्थापना सत्तापक्षीय सत्ता समिकरण सर्वाेच्च अदालत सर्वोच्च अदालत सुनको मूल्य सुरक्षा परिषद् स्थायी कमिटी बैठक स्पार्क हेल्थ होम हृदयघात
सर्वाेच्चले संसद पुनर्स्थापनाका पक्षमा फैसला गरे आन्दोलनमा जाने प्रधानमन्त्रीको उद्घोष (भिडियोसहित)
नेपालमञ्च संवाददाता
२०७७ फाल्गुन ८ शनिबार
  •  
  •  
  •  
  •  

435

काठमाडौं : प्रधानमन्त्री केपी शर्मा ओलीले सर्वाेच्च अदालतले संसद पुनर्स्थापनाका पक्षमा फैसला गरे आन्दोलनमा जाने उद्घोष गरेका छन् ।

शनिबार नेकपा ओली पक्षले विराटनरमा आयोजना गरेको जनसभालाई सम्बोधन गर्दै नेकपा अध्यक्षसमेत रहेका प्रधानमन्त्री ओलीले संविधान अनुसार संसद पुनर्स्थापना हुनै नसक्ने दावी गरे ।

उनले अदालतमा सेटिङ, धम्की वा जालझेलले सरकारको निर्णयविपरीत फैसला आए आफू आन्दोलनमा जाने उद्घोष समेत गरे ।

‘तपाइँहरु चुनावमा जुट्नुस्, अरुले जित्नुपर्ने कुनै कारण छ र ? कुनै कारण छैन । हामीले जित्नुपर्छ । सूर्य चिन्ह हामीले पाउँछौं । चुनाव हुन्छ नै । यो आत्मविश्वासका साथ अगाडि बढ्नुस्,’ सभालाई सम्बोधन गर्दै ओलीले भने, ‘यदि कुनै जालझेल, सेटिङ, तिकडम केही भएर देश र जनताका विपक्षमा फैसला हुन्छ भने हाम्रो आन्दोलन फेरी पनि अगाडि बढ्छ । फेरी पनि हामी त्यस्ता शक्तिलाई पराजित गर्छाैं ।’

सर्वाेच्च अदालतलाई सरकारले प्रभावित पार्न खोजेको आरोप लगाइरहेका बेला प्रधानमन्त्री ओलीले उल्टै अदालतमा सेटिङबाहेक फैसला आफ्नो पक्षमा आउने दावी गरे ।

उनले संसद विघटन गर्ने सरकारको निर्णय जायज भएको तर्क गर्दै अदालतले पनि सरकारको निर्णयलाई सदर गर्ने विश्वास गरे ।

सरकार संविधान अनुसार चलेको जीकिर गर्दै प्रधानमन्त्री ओलीले संसद पुनस्र्थापनाका पक्षमा फैसला आए आन्दोलनमा जाने उद्घोष गरे ।

भर्खरै