लगातार दोस्रो दिन पनि घट्यो नेप्से, ६ अर्बभन्दा बढीको सेयर किनबेच

काठमाडौं : साताको पहिलो दिन आइतबार नेप्से परिसूचक ओरालो लाग्दै ८.८४ अंकले घटेर २६६१.८६ विन्दुमा बन्द भएको छ। सूचक घटेपनि बजारमा सेयर कारोबार रकम भने उल्लेखनीय रूपमा बढेको छ।

बिहीबारको तुलनामा आइतबार कारोबार रकम ६५ करोड रुपैयाँले बढ्दै ६ अर्ब २८ करोड रुपैयाँ पुगेको छ। यसदिन ३२२ कम्पनीका एक करोड ३१ लाख ८९ हजार ३२८ कित्ता सेयर खरिद–बिक्री भएका थिए।

सेयर मूल्यको हिसाबमा ८८ कम्पनीको सेयर बढ्दा १५७ कम्पनीको घटेको छ। एक कम्पनीको मूल्य स्थिर रह्यो।

सर्वाधिक वृद्धि र गिरावट

-नेपाल माइक्रो इन्स्योरेन्स को मूल्य १० प्रतिशतले उकालो लाग्दै प्रतिकित्ता ४४२.४० रुपैयाँ पुगेको छ।

-क्रेस्ट माइक्रो लाइफ इन्स्योरेन्स को मूल्य ९.९८ प्रतिशतले बढेर ३६५.९० रुपैयाँमा पुगेको छ।

-विन नेपाल लघुवित्त को सेयर मूल्य १० प्रतिशतले घटेर ३१२६.७० रुपैयाँमा झरेको छ।

-सिन्धु विकास बैंक को सेयर ९.९९ प्रतिशतले घट्दै १०८०.८० रुपैयाँमा झरेको छ।

उल्लेखनीय कारोबार

-सिइडिबी होल्डिङ्स को ४५ करोड ३२ लाख रुपैयाँ बराबरको सेयर कारोबार भयो। प्रतिकित्ता मूल्य २५५७ रुपैयाँ रहेको यो सेयर अघिल्लो दिनको तुलनामा ३.९० प्रतिशतले बढेको हो।

-दोस्रो स्थानमा एनआरएन इन्फ्रास्टक्चर रह्यो, जसको ४४ करोड ४६ लाख रुपैयाँको सेयर किनबेच भयो।

समूहगत परिसूचक स्थिति
१३ समूहमध्ये ४ समूहको परिसूचक बढ्दा बाँकी ९ समूहको घटेको छ।

-लगानी समूह १.८४ प्रतिशतले उकालो लाग्दा

-व्यापार समूह भने १.६९ प्रतिशतले ओरालो लाग्यो।

नेप्सेमा सूचकको घटावटले बजारमा अलि दबाव देखिए पनि, कारोबार रकमको वृद्धिले लगानीकर्तामा चासो भने कायमै रहेको संकेत गरेको छ।