मुम्बई : बहुप्रतिक्षित चलचित्र ‘केजीएफ २’ को रिलिज मिती घोषणा गरिएको छ । चलचित्र २०२१ को जुलाई १६ मा रिलिज हुने भएको हो । चलचित्रका मुख्य अभिनेताद्धय सञ्जय र यशले सामाजिक सञ्जालमार्फत यसबारे जानकारी दिएका हुन् ।

सञ्जयले उनको ट्विटर ह्यान्डलमा चलचित्रको नयाँ पोस्टर सार्वजनिक गर्दै यसो लेखेका छन्, ‘केजीएफ २’ १६ जुलाई, २०२१ मा वर्ल्डवाईड रिलिज हुँदैछ ।” यस्तै अभिनेता यशले पनि लेखेका छन्, “तपाईको सिट बेल्ट टाइट गर्नुहोस किनभने रिलिज मिती पक्का भैसकेको छ ।”

प्रशान्त नीलको निर्देशनमा बनेको ‘केजीएफः च्याप्टर २’ कन्नड, हिन्दी, तमिल, तेलुगू र मलयालममा रिलिज हुनेछ । यो सन् २०१८ मा रिलिज भएको ‘केजीएफ’ को सिक्लेल हो, जुन निकै हिट भएको थियो ।

च्याप्टर २ मा सञ्जय दत्त अधीराको भूमिका देखिदै छन् । सञ्जय र यशका साथै रवीना टण्डन, प्रकाश राज, श्रीनिधि शेट्टी महत्वपूर्ण भुमिकामा छन् । नवभारत टाइम्स