२०७७, १३ फाल्गुन बिहीबार
Nepal 1:37:26 pm
Trending
#सर्वाेच्च अदालत #संसद पुनर्स्थापना अग्‍नि खरेल आलिया भट्ट कोरोना खोप कोरोना बिमा खोप अभियान गंगूबाई काठियाडी जनसम्पर्क समिति डा. रवीन्द्र पाण्डे डा बाबुराम भट्टराई नेप्से प्रचण्ड-नेपाल प्रतिनिधि सभा अधिवेशन प्रतिनिधिसभा पुनःस्थापना प्रतिनिधिसभा पुनर्स्थापना प्रतिनिधि सभा बैठक प्रदेश सभा प्रधानमन्त्री प्रधानमन्त्री केपी शर्मा ओली मेलम्ची रवि लामिछाने राजीनामा वर्षमान पुन विवेकशील साझा शेरबहादुर देउवा संसद पुनर्स्थापना संसद विघटन सत्तापक्षीय सत्ता सहकार्य सर्वाेच्च अदालत सर्वाेच्चको फैसला सर्वोच्च अदालत साझा विवेकशील पार्टी सुरक्षा परिषद् सुवासचन्द्र नेम्वाङ सेयर बजार स्थायी कमिटी स्पार्क हेल्थ होम अस्पताल हृदयघात
संसद विघटनविरुद्ध आज कांग्रेसले सबै वडामा विरोध प्रदर्शन गर्दै
नेपालमञ्च संवाददाता
२०७७ माघ ८ बिहीबार
  •  
  •  
  •  
  •  

185

काठमाडौं : प्रतिनिधि सभा विघटन गर्ने सरकारको कदमविरुद्ध निरन्तर आन्दोलन गर्दै आएको नेपाली कांग्रेसले आज मुलुकभरका सबै वडामा विरोध प्रदर्शन गर्दैछ । संसद विघटन असंवैधानिक र अलोकतान्त्रिक कदम भएको ठहर गरेको कांग्रेसले सरकारविरुद्ध केन्द्रदेखि वडा तहसम्मका विरोध कार्यक्रम घोषणा गरिसकेको छ । यसअघि कांग्रेसले पुस १३ गते १६५ वटै प्रतिनिधि सभा निर्वाचन क्षेत्र, पुस २५ गते ३३० वटा प्रदेश सभा निर्वाचन क्षेत्र र माघ ५ गते सबै पालिकामा विरोध प्रदर्शन गरेको थियो ।

कांग्रेस सभापति शेरबहादुर देउवाले आज ६ हजार ७ सय ४३ वडामा हुने विरोध प्रदर्शनमा सक्रिय सहभागि हुन सबैलाई आग्रह गरेका छन् । ‘संसद विघटनको कार्यलाई हामीले असंवैधानिक र अलोकतान्त्रिक ठहर गरेका छौं । संविधानमा भएको ब्यवस्था प्रतिकुल, जनभावना विपरीतको कार्य विरुद्ध कांग्रेस एकमतका साथ उभिएको छ,’ देउवाले भने, ‘पार्टीको सबै तहका साथीहरूसंगै समस्त लोकतन्त्रवादीमा विरोध प्रदर्शनमा व्यापक सहभागि भएर असंवैधानिक र अलोकतान्त्रिक कदमका विरुद्ध ऐक्यवद्धता प्रकट गर्न अपील गर्दछु ।’

कांग्रेसले सरकारको कदम असंवैधानिक भएको निष्कर्श निकाले पनि संसद पुनस्र्थापनाको एजेण्डा भने अगाडि सारेको छैन । कांग्रेसले सरकारको कदम असंवैधानिक र अलोकतान्त्रिक भन्दै विरोध प्रदर्शन गर्दै आएको हो । कांग्रेसले सरकारको कदमविरुद्ध सर्वाेच्च अदालतमा मुद्धा विचाराधीन रहेकाले अदालतको फैसला कुर्ने रणनीति लिएको छ । अदालतले संसद पुनस्र्थापनाका पक्षमा फैसला गरे स्वागत गर्ने नत्र चुनावमा जाने कांग्रेसको आन्तरिक तयारी छ ।

कांग्रेस बरिष्ठ नेता रामचन्द्र पौडेलले सरकारले संसद विघटन गरेर मुलुकलाई संकटतर्फ धकेल्ने काम गरेको दावी गरे । ‘प्रधानमन्त्री केपी शर्मा ओली आफैले यो संविधानको विषय होइन, यो राजनीतिक कदम भनेर भनिसकेका छन् । यसले प्रधानमन्त्री स्वयमले असंवैधानिक कार्य गरेको कबुल गरेका छन्,’ उनले भने, ‘प्रतिनिधि सभा विघटनले संविधानमाथि ठूलो क्षति पुगेको छ । ७० वर्ष लागेर निर्माण भएको संविधानमाथि आक्रमण गरेर मुलुकलाई संकटतर्फ धकेल्ने काम भएको छ । यसका विरुद्ध आमनागरिकले आवाज उठायौं भने यसले सर्वाेच्च अदालतसम्म आवाज पुग्छ ।’ नेता पौडेलले सरकारको कदमलाई समयमै नसच्याए मुलुकमा अनर्थ हुने दावी गरे ।

भर्खरै